№98 байланыш жана маалымат технологиялары кесиптик лицей тарабынан орус адабияты сабагынын алкагында Бишкек шаарындагы Гапар Айтиев атындагы Кыргыз улуттук сүрөт музейине экскурсия уюштурулду.

Экскурсиянын жүрүшүндө окуучулар залкар манасчы Саякбай Каралаевге арналган скульптураны жана улуттук кол өнөрчүлүктүн мисалы болгон түркүн түстөгү туш кийиздердин көргөзмөсүн көрүп чыгышты.
Музей кызматкери ар бир экспонат боюнча кеңири маалымат берип, алардын тарыхый жана маданий маанисине токтолду. Окуучулар зор кызыгуу менен угуп, өздөрүнүн маданий билимин кеңейтишти.
Иш-чара жогорку деңгээлде өтүп, 5 тайпанын кураторлору окуучуларды жетектеп, коопсуздукту камсыз кылышты.
Белгилей кетсек, биздин лицейде мындай маданий иш-чаралар үзгүлтүксүз өткөрүлүп турат. Анткени келечек муундарыбыз кесиптик билимден тышкары, маданий жактан да өсүп-өнүгүүсү зарыл деп эсептейбиз.